İran Məclisinin Milli Təhlükəsizlik və Xarici Siyasət Komissiyasının sədri İbrahim Əzizi respublikaçıların ABŞ-da keçirilən aralıq seçkilərdə məğlub olmasına reaksiya verib. O yazıb ki, Tehran üçün demokratların, yaxud respublikaçıların qalib gəlməsinin heç bir fərqi yoxdur. Əzizi iddia edib ki, Tramp xüsusilə İranla bağlı ardıcıl səhvləri ilə adını «ABŞ tarixinin ən uğursuz prezidenti» kimi qeydə aldırıb.
Məclisin Milli Təhlükəsizlik Komissiyasının sədri İslam Respublikasının mövqelərində israr edib. Onun sözlərinə görə, Vaşinqton Tehranın əsas şərtlərini qəbul etməyənə qədər İslam Respublikasının «strateji doktrinası» əyilməz qalacaq.
