Ukrayna prezidenti Volodimir Zelenski Donald Trampın enerji infrastrukturuna hücumların qarşılıqlı şəkildə dayandırılması planını alqışlayıb. O bildirib ki, Moskva öhdəliyinə əməl edəcəyi təqdirdə Kiyev Rusiyanın enerji obyektlərinə hücumlarını dayandırmağa hazırdır.
Tramp Rusiya ilə Ukrayna arasında «enerji atəşkəsi» əldə olunduğunu açıqlayıb, lakin Moskva bu razılaşmanı qəbul etdiyini hələ rəsmi olaraq elan etməyib. Zelenski vurğulayıb ki, atəşkəsin real icrası Rusiyanın hücumlarını dayandırmasından asılıdır.
Bununla belə, ukraynalı rəsmilər bildiriblər ki, atəşkəs elan olunduqdan sonra Rusiya qüvvələri enerji infrastrukturuna hücumlarını davam etdirib, Xarkovda isə bir istilik-elektrik mərkəzi də hədəfə alınıb.
