Səudiyyə Ərəbistanı və Suriya husilərə qarşı əməliyyatda iştirak etmək üçün Suriya ordusunun qüvvələrinin Yəmənə göndərilməsi barədə danışıqlar aparır. Suriya prezidenti Əhməd əş-Şəra bu xahişi ciddi şəkildə nəzərdən keçirir, lakin hələ yekun qərar qəbul etməyib. Məsələ onun bu yaxınlarda Ər-Riyadda Məhəmməd bin Salmanla görüşündə müzakirə olunub. ABŞ hökuməti də məsləhətləşmələrdən xəbərdardır və buna prinsipial etiraz bildirməyib.
Axios-un məlumatına görə, göndərilə biləcək qüvvələrin sayının 10-20 min nəfər arasında olacağı bildirilir. Nəzərdən keçirilən hərbi hissələr sırasında Dəməşq yaxınlığında yerləşən 90-cı diviziya və Suriyanın cənubunda, Süveyda yaxınlığında yerləşən 84-cü diviziyanın adı çəkilir. Həmçinin qüvvələrin mümkün göndərilməsinin necə həyata keçiriləcəyi barədə ABŞ ordusunun Mərkəzi Komandanlığı (CENTCOM) ilə məsləhətləşmələr aparılıb.
Bu məsləhətləşmələr Yəmən hökumət qüvvələrinin Səudiyyə Ərəbistanının dəstəyi ilə Səna və strateji əhəmiyyətli Bab-əl-Məndəb boğazı da daxil olmaqla husilərin nəzarətində olan əraziləri geri almaq üçün apardığı genişmiqyaslı quru əməliyyatı ilə eyni vaxta təsadüf edir.
