Türkiyənin xarici işlər naziri Hakan Fidan oktyabrın 5-də, bazar ertəsi Ər-Riyadda keçiriləcək «Məkkə Birgə Müdafiə Sazişi»nin Strateji Siyasi və Müdafiə Komitəsinin iclasında iştirak edəcək. Türkiyə nümayəndə heyətinin tərkibində ölkənin müdafiə naziri Yaşar Gülər və Baş Qərargah rəisi Selçuk Bayraktaroğlu da olacaq.
İclasda Türkiyə, Səudiyyə Ərəbistanı və Pakistanın üçtərəfli müdafiə ittifaqının institusionallaşması prosesi, eləcə də təhlükəsizlik və hərbi sahələrdə əməkdaşlığın inkişafı üçün atılacaq növbəti addımlar müzakirə olunacaq. Fidanın həmçinin husilərin hücumlarına qarşı Türkiyənin Səudiyyə Ərəbistanına dəstəyini, habelə gəmiçiliyin və beynəlxalq ticarət yollarının təhlükəsizliyinin qorunmasının vacibliyini vurğulayacağı gözlənilir.
«Məkkə Birgə Müdafiə Sazişi» avqustun 7-də üç ölkənin liderləri tərəfindən imzalanıb. Çəkindirmə potensialının və birgə müdafiə imkanlarının gücləndirilməsi sazişin əsas məqsədləri kimi elan olunub. Sazişin Strateji Komitəsinin ilk iclası avqustun 31-də İstanbulda keçirilib. Üç ölkə hazırda bu mexanizmin Ər-Riyadda daimi katibliyini yaradır.
