Yeni yayılan məlumata görə, Pakistan İranla əlaqə saxlayaraq husilərin Səudiyyə Ərəbistanına qarşı hücumlarının qarşısının alınmasını tələb edib. Eyni zamanda, əgər Riyad İslamabadla imzalanmış təhlükəsizlik sazişindəki qarşılıqlı müdafiə bəndini işə salsa, Pakistanın Səudiyyə Ərəbistanının müdafiəsində iştirak etməyə məcbur qala biləcəyi ehtimalı da irəli sürülüb. Məlumata əsasən, Pakistanın hava qüvvələrinin dronların qarşısının alınmasında, hətta Yəməndə atəş mövqelərinin hədəf alınmasında iştirakı ssenarisi də gündəmə gəlib, baxmayaraq ki, indiyədək Səudiyyə Ərəbistanı tərəfindən rəsmi tələb açıqlanmayıb.
Bu proses elə bir şəraitdə gündəmə gəlir ki, Türkiyə də son günlər husilərin Səudiyyə Ərəbistanına hücumlarını sərt şəkildə pisləyib və Məkkəyə edilən dron hücumundan sonra Səudiyyə Ərəbistanının suverenliyinə, ərazi bütövlüyünə və təhlükəsizliyinə dəstəyini bir daha bəyan edib.
Bu inkişafların arxa planında Səudiyyə Ərəbistanı, Pakistan və Türkiyə arasında imzalanmış Məkkə müştərək müdafiə sazişi dayanır. Bununla belə, hələ ki qarşılıqlı müdafiə bəndinin rəsmi olaraq işə salınmasına dair heç bir işarə görünmür.
