Financial Times xəbər verib ki, Pakistan ordusunun komandanı Asim Münir İrandan bölgədə husilərin hücumlarının qarşısının alınması üçün addım atmağı istəyib.
Financial Times-ə istinadən bildirilir ki, bu tələb İranın dəstəklədiyi husilərin hücumlarının Qırmızı dənizdə və Bab əl-Məndəb boğazında gəmiçiliyin təhlükəsizliyi ilə bağlı narahatlıqları artırdığı şəraitdə səslənib.
İran mediası da daha əvvəl xəbər vermişdi ki, İslam Respublikasının xarici işlər naziri Abbas Əraqçi telefon danışığında Asim Münirlə bölgədəki inkişaflar barədə fikir mübadiləsi aparıb.
Bu proseslər Tehran və Vaşinqton arasındakı danışıqların hələ də nəticə vermədiyi bir şəraitdə davam edir, Donald Tramp isə deyib ki, İranla müharibənin tezliklə başa çatacağına ümid edir.
