OPEC+ üzv ölkələrin istehsal gücünü yenidən nəzərdən keçirdiyi bir vaxtda, İraq gələn il üçün neft kvotasının artırılmasını istəyib və bu ölkənin istehsal hədəflərinin gündə 6 milyon barrel gücə əsaslanaraq hesablanmasını təklif edib.
Bloomberg agentliyi məlumatlı mənbələrə istinadən bildirib ki, Bağdad öz istehsal bazasının artırılması üçün OPEC+ ilə danışıqlar aparır; bu məsələ İraqın ittifaqın gələcək razılaşmalarındakı payını artıra bilər.
OPEC+ bazar günü keçirdiyi görüşdə sentyabr ayı üçün istehsal siyasətini dəyişməz saxlayıb və bildirib ki, sonrakı addımlarla bağlı qərar üzvlərin yeni kvotaları və gücləri barədə əldə edəcəyi razılaşmadan asılıdır.
OPEC+ üzvlərinin əksəriyyətinin istehsal gücünün yoxlanılması Texasda yerləşən "DeGolyer and MacNaughton" şirkəti tərəfindən aparılır və gözlənilir ki, bu barədə hesabat sentyabrın sonlarında dərc olunacaq.
Açıqlanan məlumatlara görə, İraqın neft ixracı avqust ayında gündə təxminən 2 milyon 340 min barrelə çatıb.
