İsrail hökumətinin büdcəsi göstərir ki, Qərb sahilindəki yaşayış məntəqələrinin genişləndirilməsi və "haredim" cərəyanının maliyyələşdirilməsi Binyamin Netanyahu üçün hakim koalisiyanı qorumaq baxımından iki mühüm prioritetə çevrilib.
Dov Zakheym "Foreign Policy" üçün hazırladığı təhlildə yazır ki, İsrailin hazırkı hökuməti 40 min-dən çox yaşayış vahidinin tikintisini təsdiqləyib, 103 yeni yaşayış məntəqəsini isə təsdiq edib və ya qanuniləşdirib. Həmçinin daha 34 yaşayış məntəqəsinin yaradılması üçün 430 milyon dollar, Qərb sahili infrastrukturu üçün isə təxminən 2,3 milyard dollar ayrılıb.
Eyni zamanda, yüzlərlə milyon dollar da "haredim" məktəblərinə və qurumlarına ayrılıb; bu zaman təxminən 66 min "haredi" tələbəsinin hərbi xidmətdən azad olması məsələsi İsraildə ciddi mübahisələrdən birinə çevrilib.
Təhlildə Netanyahunun büdcə siyasəti yaşayış məntəqələri sakinlərinin və "haredi" partiyalarının dəstəyini qorumaq üçün bir vasitə kimi dəyərləndirilir və xəbərdarlıq edilir ki, bu yanaşma xarici müharibələrlə yanaşı, İsrailin daxili bölünmələrini də daha da dərinləşdirib.
