ABŞ ordusu yeni "Flight School Next" proqramı çərçivəsində pilotların ilkin təliminə görə UH-72 "Lakota" helikopteri əvəzinə yüngül "Robinson R66" helikopterindən istifadə etməyi planlaşdırır.
Amerika mediasına istinadən, bu proqramın icrası üçün M1 Support Services şirkəti seçilib və müqavilənin dəyəri gələcək otuz il ərzində 10 milyard dollara çata bilər. Bu şirkət helikopterlərin təchizatı ilə yanaşı, onların texniki xidməti, simulyatorlar və pilotların təliminin bir hissəsinə görə də məsuliyyət daşıyacaq.
Bu dəyişikliyin əsas səbəbi kimi UH-72-nin yüksək istismar xərcləri və mürəkkəbliyi göstərilir. ABŞ ordusu hesab edir ki, təkmühərrikli və daha sadə olan R66 yeni pilotlara əvvəlcə əsas uçuş bacarıqlarını mənimsəməyə imkan verir, bundan sonra isə onlar "Apache", "Black Hawk" və "Chinook" kimi daha mürəkkəb helikopterlərin təlimlərinə keçə bilərlər.
Hesabata görə, yeni təlim sisteminə tam keçid təxminən üç-dörd il çəkəcək.
