"Xrononutrisiya" sahəsindəki yeni tədqiqatlar göstərir ki, yemək yeməyin vaxtı sağlamlığa yeməyin növü qədər təsir göstərir. Bədənin daxili saatı həzmi, iştahanı və metabolizmi tənzimləyir.
İspaniyanın Murcia Universitetindən Marta Qarauelt 20 həftəlik çəki azaltma proqramında 420 böyükyaşlını izləyib. Nahar yeməyi daha erkən edənlər çəkini daha çox və daha sürətli itiriblər. 32 qadın üzərində aparılan başqa bir sınaqda isə gec nahar qan şəkərinə nəzarəti zəiflədib.
Bostondakı Brigham and Women's Xəstəxanasının tibb professoru Frank Şier bildirib ki, insan bioloji baxımdan səhər və axşam eyni fərd deyil. 800-dən çox böyükyaşlı üzərində aparılan tədqiqatda yatmazdan bir saat əvvəl şəkərli məhlul içmək qan şəkərini yüksəldib və daha az insulin istehsalına səbəb olub.
Gec yemək yemək növbəti gün ac qalma hissini artırır və leptin istehsalını azaldır. Hüceyrələr də yağı parçalamaq əvəzinə onu ehtiyat kimi saxlayır. Fransada 100 mindən çox nəfər üzərində aparılan tədqiqatda gec səhər yeməyi ürək-damar xəstəlikləri riskinin yüksək olması ilə əlaqələndirilib.
