İranda elektron kalabərq (ərzaq talonu) planının icrasında yaranan problemlər bəzi böyük mağazalara da sirayət edib və onlardan bir qismi kalabərq xidməti göstərmək imkanını itirib.
İsfahan Əmək, Kooperasiya və Sosial Rifah Baş İdarəsinin sosial işlər üzrə müavini Mehdi Kərimi təsdiqləyib ki, bu əyalətdəki bəzi böyük mağazalar kalabərq xidmətinin müvəqqəti kəsilməsi ilə üzləşib. O, bu vəziyyətin səbəbini mağaza kassa proqram təminatının kalabərq sistemi ilə uyğunlaşdırılmaması ilə izah edib və problemin aradan qaldırılacağına söz verib.
Bu nasazlıq elə bir şəraitdə baş verir ki, son həftələrdə kiçik və orta ölçülü digər mağazalar da kalabərqin qəbulunu dayandırıb. Satıcılar əsas səbəb kimi hökumətin satılmış malların pulunun ödənilməsində gecikməsini göstəriblər; bəzi hesabatlarda tələblərin ödənilməsi üçün gözləmə müddətinin təxminən 25 ilə 40 gün arasında olduğu bildirilib.
Kalabərq planındakı nasazlıq elə bir şəraitdə davam edir ki, ərzaq qiymətlərinin artması və alıcılıq qabiliyyətinin azalması aztəminatlı ailələrin böyük bir hissəsinin bu dolanışıq yardımından asılılığını artırıb.
