İraq Silahlı Qüvvələri Baş Komandanının sözçüsü Səbah ən-Nöman bu ölkənin ərazisindən Səudiyyə Ərəbistanı Krallığına qarşı hər hansı bir hücumun qarşısını almaq üçün təhlükəsizlik tədbirlərinin hazırlanıb həyata keçirildiyini bildirib.
İraq mediasının məlumatlarına görə, ən-Nöman vurğulayıb ki, Bağdad İraq ərazisinin başqa ölkələrə qarşı hücumun mənbəyinə çevrilməsinə icazə verməyəcək və bu məsələyə nəzarət təhlükəsizlik qüvvələrinin öhdəsindədir. Daha əvvəl İraq hökuməti də bu ölkə ərazisindən Səudiyyəyə qarşı mümkün hücumlarla bağlı məlumatların araşdırılması barədə göstəriş vermişdi.
Eyni zamanda, İraqlı silahlı qrupların döyüş düzülüşünün dəyişməsi və onların qüvvələrinin, texnikasının bəzi tanınmış qərargahlardan başqa yerə köçürülməsi barədə məlumatlar yayılıb. Bu hadisələr İraqın regional gərginliyin yeni dövrünə cəlb olunmasından narahatlığın artdığı bir şəraitdə baş verir.
İraq Baş naziri Əli əz-Zeydinin Səudiyyəyə səfəri də daha əvvəl təxirə salınmışdı; bununla belə, sonrakı məlumatlar bu səfərin yenidən planlaşdırıldığından xəbər verirdi.
