Euronews-dan xəbər verilir ki, Ağ Evin Oval Kabinetində jurnalistlərlə danışan Tramp bildirib: «Bəli, düşünürəm ki, saziş mümkündür. Əlbəttə. İki gün əvvəl onlarla razılığa gəldik, lakin sonra dedilər ki, bu sazişi qəbul edə bilmirik və onun üzərində daha çox danışıqlar aparmalıyıq.»
Bu açıqlamalar ABŞ Mərkəzi Komandanlığının (SENTKOM) üst-üstə üçüncü gecə Buşehr, Çabəhar, Caск, Konarak, Əbu Musa və Bəndərabbas da daxil olmaqla İranın müxtəlif bölgələrindəki hədəflərə zərbə vurduğunu elan etdiyi günə təsadüf edib. Tramp bu əməliyyatı «daha bir böyük hücum» adlandıraraq deyib: «Onları şiddətlə vururuq və bu davam edəcək. Bütün hücum potensiallarını məhv edirik, boğazı nəzarətə alırıq; mühasirəni bərpa edirik.»
Hesabata görə, Əli Xaməneyinin dəfninin ardından Müctəba Xaməneyiyə aid olduğu iddia edilən intiqam zərurətindən bəhs edən mesajların yayılması ilə əlaqədar İslam Respublikasının sərt qanaddakı bir hissəsi ABŞ ilə danışıqları belə rədd edir və bunu sülh yanaşması kimi deyil, müharibə strategiyası kimi təsvir edir.
