ABŞ-ın İsraildəki səfiri Mayk Hakbi bildirib ki, İsrail kəşfiyyat qurumları əvvəlcədən ABŞ prezidenti Donald Trampa və digər Amerika rəsmilərinə onun barəsində "çox konkret bir sui-qəsd planı" kimi xarakterizə etdiyi təhdidin mövcudluğu barədə xəbərdarlıq etmişdi.
Hakbi Fox News-a müsahibəsində həmin kəşfiyyat xəbərdarlıqlarının alındığını təsdiqləyərək, təhdidin mənbəyi və ya vaxtı barədə əlavə təfərrüat verməkdən çəkinib.
Bu açıqlamalar Donald Trampın cümə axşamı axşamı Vaşinqton vaxtı ilə Truth Social sosial şəbəkəsində yazdığı paylaşımdan sonra gəlib. Tramp həmin paylaşımda İslam Respublikasının onu suiqəsdə cəhd etməsi halında İrana "1000 raketnin atışa hazır" olduğunu, bundan sonra isə "minlərlə başqa raketin" də atılacağını qeyd edib.
Hakbi həmçinin İslam Respublikasını xəbərdar edərək bildirib ki, ABŞ-ın hərbi gücünü "sınağa çəkməməlidir". O əlavə edib ki, İslam Respublikasının rəsmiləri "dünyanın tarixindəki ən güclü hərbi qüvvə ilə üz-üzə olduqları" həqiqətini qəbul etməlidir və soruşub: "Onlar həqiqətən bu gücün hüdudlarını sınamaq istəyirlərmi? Ümid edək ki, belə etməsinlər."
ABŞ-ın İsraildəki səfiri şənbə günü NewsNation kanalının "Sabah Amerikada" proqramına müsahibəsində də bildirib ki, Tramp İran hakimiyyətinə "vəziyyəti dərk etmək üçün bir başqa fürsət, bir başqa xəbərdarlıq və bir başqa imkan" vermək istəyir.
