Tehran, ABŞ və İsrailin müharibə zamanı keçən fevral ayında həyata keçirdiyi ilk hava zərbələrində həlak olan sabiq rəhbər Xameneyi üçün geniş miqyaslı cənazə yürüşləri təşkil edərək dini hakimiyyətə xalq sədaqətini və inqilabi ruhu nümayiş etdirməyə çalışır. Bu məqsədlə ölkənin 90 milyondan çox nəfərlik əhalisinin daha böyük hissəsini mərasimə cəlb etmək üçün müxtəlif tədbirlər görülür.
Məlumatlara görə, insanları həvəsləndirmək üçün otellər 50 faiz endirim tətbiq edib, beş mindən çox məktəb, məscid və idman zalı mərasim iştirakçılarının yerləşdirilməsi üçün hazırlanıb, avtobus və qatarların marşrutları isə mərasim yerinə doğru dəyişdirilib.
Bu geniş nümayiş o zaman keçirilir ki, analitiklərə görə, hökumətə xalq dəstəyinin bazası son dərəcə zəifdir: illərlə davam edən sanksiyalar iqtisadiyyatı iflic edib, ölkə miqyasında baş verən ardıcıl etirazlar isə keçən yanvar ayında minlərlə etirazçının həlak olmasına gətirib çıxaran güclü təhlükəsizlik qüvvələri tərəfindən amansızcasına yatırılıb.
Tehran küçələri ciddi nəzarət altındadır; polis və Bəsic qüvvələri motosikletlə dörddörd gəzir.
