Məlumatlara görə, rəqəmsal məkanın tənzimlənməsi üzrə xüsusi qərargah beynəlxalq internet bağlantısının bərpasına razılıq verib və yekun qərar indi prezidentin təsdiqini gözləyir.
ArazNews-un Fars xəbər agentliyinə istinadən verdiyi məlumata görə, prezidentin birinci müavininin sədrliyi ilə keçirilən iclasda beynəlxalq internet bağlantısının yenidən aktivləşdirilməsi planı 9 lehinə, 3 əleyhinə səslə qəbul olunub.
Qərar yekun təsdiq üçün prezidentin ofisinə göndərilib. Təsdiqlənərsə, icra üçün Rabitə və İnformasiya Texnologiyaları Nazirliyinə təqdim ediləcək.
Bu məsələ son aylarda internet məhdudiyyətlərinə qarşı iqtisadi fəalların, rəqəmsal bizneslərin və istifadəçilərin artan etirazları fonunda gündəmə gəlib. Məlumatlara görə, bu məhdudiyyətlər İranın rəqəmsal iqtisadiyyatına böyük zərər vurub.
