Mediada ABŞ rəsmilərinə istinadən yayılan xəbərlərə görə, İran rejimi ABŞ ilə müharibə zamanı bəzi hərbi və mülki təyyarələrini mümkün ABŞ hücumlarından qorumaq üçün Pakistan və Əfqanıstana köçürüb.

ArazNews-un məlumatına görə, ABŞ rəsmiləri CBS-ə bildiriblər ki, Tehran Donald Trampın atəşkəs elanından bir neçə gün sonra bir neçə təyyarəni Ravalpindi yaxınlığındakı Pakistanın Nur Xan hava bazasına göndərib. Bildirilir ki, bu təyyarələr arasında İran rejiminin hava qüvvələrinə məxsus bir RC-130 kəşfiyyat təyyarəsi də olub.

Məlumatda həmçinin qeyd olunur ki, İran rejimi Mahanair-ə məxsus ən azı bir mülki təyyarəni də Əfqanıstana köçürüb. Bununla belə, yüksək vəzifəli pakistanlı rəsmi bu iddiaları rədd edib, Taliban sözçüsü də İran təyyarələrinin Əfqanıstanda olduğunu təkzib edib.