ABŞ prezidenti İranın son təklifini məsxərəyə qoyaraq Tehrandan daha tez qərar verməsini istəyib 

Donald Tramp Truth Social sosial şəbəkəsində yaydığı mesajda İranın müharibəni bitirmək üçün irəli sürdüyü son təklifi rədd edib və Tehrandan “tez ağlını başına yığmasını” istəyib.

Tramp bu mesajında yazıb: «İran vəziyyətini nizama sala bilmir» və əlavə edib: «Onlar nüvə ilə bağlı olmayan bir razılaşmanı necə imzalayacaqlarını bilmirlər».

Bu açıqlamalar İranın Hörmüz boğazının açılması və müharibənin bitirilməsi ilə yanaşı, nüvə proqramı mövzusunun müvəqqəti kənara qoyulmasını nəzərdə tutan təklifinin ABŞ tərəfindən qəbul edilmədiyi bir vaxtda səsləndirilib.

Tramp bu açıqlamalarla yanaşı, özünün süni intellektlə hazırlanmış bir şəklini də yayımlayıb; həmin şəkildə o, partlayışlar fonunda silah tutmuş vəziyyətdə təsvir olunub və üzərində “No more Mr. Nice Guy” (“Artıq yaxşı adam yoxdur”) sözləri yazılıb.