Fars körfəzi Əməkdaşlıq Şurasının üzv ölkələri İranın addımlarını tənqid edərək Hörmüz boğazında sərbəst gəmiçiliyin bərpasını tələb etdilər.

Bu iclas Səudiyyə Ərəbistanının vəliəhdi Məhəmməd bin Salmanın sədrliyi ilə keçirilib və ABŞ və İsrailin İrana qarşı müharibəsinin başlamasından sonra bu şuranın ilk toplantısı hesab olunur.

Yekun bəyanatda üzv ölkələr İranın Hörmüz boğazını bağlamaq addımlarını regionda gəmiçilik üçün təhdid kimi qiymətləndirib və gəmilərdən rüsum alınması planına qarşı çıxıblar.

Şura sərbəst və təhlükəsiz gəmiçiliyin vacibliyini vurğulayaraq gəmilərin hərəkətinin müharibədən əvvəlki səviyyəyə qaytarılmasını tələb edib.

Bu iclasda həmçinin hərbi əməkdaşlığın gücləndirilməsi, o cümlədən raket təhdidlərinə qarşı xəbərdarlıq və hava hücumundan müdafiə sistemləri məsələsi də müzakirə olunub.