ABŞ prezidenti Donald Tramp bildirib ki, İranın dəniz qüvvələri “tamamilə məhv edilib” və 158 gəmi sıradan çıxarılıb. O, İran gəmilərinin ABŞ-ın dəniz mühasirəsinə yaxınlaşacağı təqdirdə dərhal vurulacağını açıqlayıb.

ArazNews-un məlumatına görə, Tramp Truth Social platformasında yazıb ki, yalnız az sayda “sürətli hücum” tipli gəmi hədəfə alınmayıb, çünki onlar ciddi təhdid hesab edilməyib.

O vurğulayıb ki, bu gəmilər mühasirə zonasına yaxınlaşarsa, ABŞ-ın dəniz əməliyyatlarında istifadə etdiyi “sürətli və sərt sistem”lə məhv ediləcək.

Tramp həmçinin iddia edib ki, bu tədbirlər nəticəsində dəniz yolu ilə ABŞ-a narkotik daxilolmalarının 98.2 faizi qarşısı alınıb.