Ukrayna prezidenti Volodimir Zelenski bildirib ki, ölkəsi üç dövlətlə 10 illik hərbi əməkdaşlıq müqavilələri üzrə razılığa gəlib.

Araz News-un məlumatına görə, Financial Times-a istinadən Zelenski qeyd edib ki, Ukrayna şirkətləri bu ölkələrin silahlı qüvvələri ilə birlikdə xüsusi obyektlərin qorunması üçün fəaliyyət göstərəcək.

O, həmçinin bildirib ki, Ukraynanın radioelektron mübarizə sistemləri və hava hücumundan müdafiə vasitələri ABŞ hərbi infrastrukturunun yerləşdiyi bəzi Körfəz ölkələrində İran istehsalı “Şahid” PUA-larına qarşı istifadə olunub və əlavə edib: “Onları vurduqmu? Bəli, vurduq.”

Zelenski əlavə edib ki, Oman ilə təhlükəsizlik danışıqları davam edir və Küveytlə Bəhreynlə də müzakirələr aparılır.