ABŞ prezidenti Donald Trampın “onları daş dövrünə qaytaracağıq” açıqlaması beynəlxalq mediada müzakirələrə səbəb olub.

ArazNews xəbər verir ki, Al Jazeera-da yayımlanan təhlildə bu ifadənin genişmiqyaslı bombardman, yəni “xalça bombardmanı” mənasına gəldiyi qeyd olunur.

Hesabatda deyilir: “Bir məkanı daş dövrünə qaytarmaq ifadəsi adətən onun bütün müasir infrastrukturlarının məhv ediləcəyi şəkildə genişmiqyaslı bombardmanı nəzərdə tutur.”

Al Jazeera həmçinin bildirib ki, bu cür ifadələr ABŞ-ın hərbi siyasətində yeni deyil və keçmiş müharibələrdə də oxşar yanaşmalar gündəmə gətirilib və ya tətbiq olunub.