ArazNews xəbər verir ki, Rubio Fox News-a müsahibəsində Vaşinqtonun bu müharibədə “finiş xəttinə yaxınlaşdığını” deyib və İranın “ikinci Şimali Koreya”ya çevrilmək istədiyini iddia edib.

O bildirib ki, İran ABŞ ərazisini hədəf ala biləcək qitələrarası raketlər üzərində işləyirdi və ABŞ əməliyyatlara başlamasaydı, bu məqsədə çata bilərdi.

Rubio həmçinin İranın xarici işlər naziri Abbas Əraqçini ölkənin raket imkanları barədə “yanlış məlumat verməkdə” ittiham edib və deyib ki, İran rəsmiləri raketlərinin mənzilini reallıqdan aşağı göstəriblər.

O vurğulayıb ki, danışıqlar uğursuz olarsa, hərbi əməliyyatlar davam edəcək: “Danışıqların vaxt qazanmaq vasitəsinə çevrilməsinə icazə verməyəcəyik.”

Rubio əlavə edib ki, ABŞ müharibədən sonra NATO-dakı rolunu da yenidən nəzərdən keçirəcək.

Eyni zamanda, münaqişəni dayandırmaq üçün diplomatik səylərin davam etdiyi bildirilir.