Hesabatlara görə, İranın həyata keçirdiyi raket və PUA hücumlarının 90 faizdən çoxu ABŞ, İsrail və onların müttəfiqlərinin hava hücumundan müdafiə sistemləri tərəfindən zərərsizləşdirilib.

ArazNews-un Fox News-a istinadən verdiyi məlumata görə, bu nəticə müdafiə sistemləri arasında geniş koordinasiya, kəşfiyyat məlumatlarının paylaşılması və regionda yerləşdirilən texniki vasitələrin birgə fəaliyyəti sayəsində əldə olunub.

Lakin ekspertlər xəbərdarlıq edir ki, təhlükəli bir balanssızlıq formalaşır: İranın nisbətən ucuz PUA və raketləri, çox bahalı müdafiə sistemlərinin resurslarını sürətlə tükəndirir.

JINSA institutunun hesabatında da qeyd olunur ki, ucuz təhdidlərə qarşı bahalı interceptorların istifadəsi uzunmüddətli perspektivdə müttəfiqlərin silah ehtiyatlarını azalda bilər.

Eyni zamanda Ağ Ev bildirib ki, İranın raket və PUA hücumları təxminən 90 faiz azalıb və ölkənin minlərlə hərbi hədəfi vurulub.