Məlumatlara görə, ABŞ-ın radara görünməz B-2 bombardmançıları “bir neçə gün ərzində” İrana qarşı hücumlarda iştirak etmək üçün Böyük Britaniyanın hərbi bazalarında yerləşdiriləcək. Bildirilir ki, Dieqo Qarsiya və Qlosterşirdə yerləşən RAF Fairford bazaları bu təyyarələrin qəbuluna hazırlanır.

ArazNews-un “Daily Telegraph” qəzetinə istinadən verdiyi məlumata görə, ABŞ prezidenti Donald Tramp İranın yeni və dağıdıcı hücum dalğası gözləməli olduğunu bildirib. O deyib: “Biz onları ciddi şəkildə vurmağa hələ başlamamışıq. Böyük dalğa hələ baş verməyib. Böyük hücum çox yaxın zamanda başlayacaq.”

Məlumata görə, Böyük Britaniya hökuməti əvvəlcə beynəlxalq hüquqla bağlı narahatlıqları əsas gətirərək ABŞ-ın Kral Hərbi Hava Qüvvələrinə məxsus bazalardan hücumlar həyata keçirməsinə qarşı çıxmışdı. Lakin baş nazir Kir Starmer bazar günü axşam bildirib ki, ABŞ-a “müəyyən və məhdud müdafiə məqsədləri” üçün bu bazalardan uçuş missiyaları həyata keçirməyə icazə veriləcək.