Bir hüquq təşkilatı ABŞ və İsrailin hücumlarının davam etdiyi şəraitdə İranda mülki qurbanların sayının min nəfəri keçdiyini bildirib.

ArazNews-un məlumatına görə, HRANA xəbər agentliyi münaqişənin dördüncü günündə İranın 19 vilayətində 85 hadisə çərçivəsində ən azı 104 hücumun qeydə alındığını açıqlayıb. Bu hadisələr nəticəsində hərbçilər və mülki şəxslər arasında ümumilikdə 31 nəfərin öldüyü və yaralandığı bildirilib.

Bu hüquq təşkilatının topladığı məlumatlara əsasən, hücumların 9 esfənd tarixində başlamasından bəri mülki ölənlərin sayı 1097 nəfərə çatıb və onların arasında 10 yaşdan kiçik 181 uşaq da var. Mülki yaralıların sayı isə 5402 nəfərdir və onların arasında təxminən 100 uşaq olduğu bildirilir.

HRANA əlavə edib ki, təxminən 880 ölüm faktı hələ də araşdırılır və təsdiqlənmə mərhələsindədir. Eyni zamanda İran Qızıl Aypara Cəmiyyəti müharibənin üçüncü günündə ölənlərin sayını 787 nəfər açıqlamışdı, lakin bu rəqəm mülki və hərbi itkiləri ayırmadan təqdim olunmuşdu.