Hizbullah liderin öldürülməsinə cavab olaraq İsrailə raket və PUA hücumları başladığını açıqladı.

Reuters-ə istinadən verilən məlumata görə, İsrail ordusu bu hücumların ardınca Beyrutun cənubundakı Dahiya bölgəsini və Livanın cənubunu hava zərbələri ilə hədəfə aldı. Livan Səhiyyə Nazirliyi azı 31 nəfərin öldüyünü bildirdi.

İsrail ordusu gərginliyin artmasına görə Hizbullahı məsul saydı və yeni zərbələrin başladığını açıqladı. İsrail tərəfi ölkə daxilində ciddi itki və ya böyük ziyan olmadığını iddia etdi.

Livan rəsmiləri İsrail hücumlarını pislədi və ölkənin regional müharibəyə sürüklənməsi barədə xəbərdarlıq etdi. Prezident Livanın milli maraqlarla əlaqəsi olmayan münaqişələrin meydanına çevrilməməli olduğunu vurğuladı. Prokurorluq İsrailə raket atan şəxslərin həbsinə göstəriş verdi.

İsrail ordusu onlarla kəndin sakinlərini evlərini tərk etməyə çağırdı. Bu hadisələr 2024-cü ildən qüvvədə olan atəşkəsin pozulması riskini artırdı.