آراز نیوز

ارگان خبری تشکیلات مقاومت ملی آزربایجان

دیرنیش
سه شنبه ۲۹ام اسفند ۱۴۰۲
شما اینجا هستید: / خبر / آزربایجان / باکیدا “نورو پاشا”نین آبیده‌سی آچیلدی

تورکجه خبر:

باکیدا “نورو پاشا”نین آبیده‌سی آچیلدی

سئنتيابرين 15-ده باکينين داشناک بولشئويک ايشغاليندان آزاد ائديلمه‌سينين 100-جو ايلدؤنومو گونونده آزربايجاندا ايلک دفعه اولاراق بورچالي جمعيتينين اوفيسينده باکي فاتئحي نورو پاشا کيلليگيلين بوستو (مجسمه) آچيلميشدير.

باکیدا “نورو پاشا”نین آبیده‌سی آچیلدی
16 سپتامبر 2018 - 01:52
کد خبر: ۴۶۷۴۱
تحریریه آرازنیوز

سئنتیابرین ۱۵-ده باکینین داشناک بولشئویک ایشغالیندان آزاد ائدیلمه‌سینین ۱۰۰-جو ایلدؤنومو گونونده آزربایجاندا ایلک دفعه اولاراق بورچالی جمعیتینین اوفیسینده باکی فاتئحی نورو پاشا کیللیگیلین بوستو (مجسمه) آچیلمیشدیر.

تورکییه و آزربایجانین دؤولت هیمنلرینین (سرود) سسلندیریلمه‌سیندن سونرا مراسیمین گیریش نیطقی ایله بورچالی جمعیتینین صدری زلیمخان محمدلی چیخیش ائده‌رک بو آددیمین آزربایجان تورکلرینین نورو پاشا اؤندرلیگینده قافقاز ایسلام اوردوسو عسگرلرینه وفا بورجونون بیر نیشانه‌سی اولماسینی وورغولامیشدیر.

گؤرکملی ضیالیلار و دیاسپورا ایله ایش اوزره دؤولت کومیته‌سی تمثیلچیسینین ایشتیراکی ایله آلقیشلارلا نورو پاشانین بوستونون آچیلیش مراسیمیندن سونرا تانینمیش عالیملر، تاریخ علملری دوکتورلاری فیردووسیییه احمدووا، نسیمان یعقوبلو، ماحال قاجار، ایستیقلالچی میلت وکیلی، پروفئسور حاجیبابا عظیموو، پروفئسور تئلمان علی‌یئو، گؤرکملی معمار عمر قوچولو، سابیق میلت وکیلی آرزو صمدبیلی، شاعیر گوله‌مایل موراد چیخیش ائده‌رک ۱۹۱۸-جی ایلین سئنتیابر گونلرینده آزربایجاندا باش وئرن اولایلار، انور پاشا و نورو پاشا شخصیتی، ائلجه ده باکینین و عومومیلیکده آزربایجانین ۶۶ بؤلگه‌سینین دوشمن ایشغالیندان آزاد ائدیلمه‌سینین اؤنه‌می حاقدا فیکیرلرینی بؤلوشوبلر.

چیخیشلاردان سونرا بورچالی جمعیتینین صدری زلیمخان محمدلی بوستون مؤلیفی زیرددین قولی‌یئوه “جمعیت” آدیندان تشککورونو بیلدیره‌رک اومیدوار اولدوغونو بیلدیریب کی، بو حادیثه توپلوموموزدا میللی دیرلره و تاریخی شخصیتلره موناسیبت مسئله‌سینده عنعنه یه چئوریله‌جکدیر.

ز. محمدلی سئنتیابرین ۱۵-ده باکیدا آزربایجان و تورکییه سیلاحلی قوووه‌لرینین بیرگه حربی کئچید کئچیرمه‌سینی ده یوکسک دیرلندیره‌رک بو اؤنملی اولایی ایکی قارداش اؤلکه موناسیبتلرینده یئنی بیر صحیفه آدلاندیرمیشدیر. مراسیم ساز سؤز اوستالارینین قهرمانلیق هاوالارینی سسلندیریلمه‌لریله سونا چاتیب.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر