آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / ایران / ندن خامنه‌ای حوزه علمیه‌نین سکولارلاشماسیندان قورخور؟

تورکجه خبر:

ندن خامنه‌ای حوزه علمیه‌نین سکولارلاشماسیندان قورخور؟

گونلر بوندان اؤنجه حسن رحیم پور ازغدی فیضیه مدرسه سینده دانیشیب علمیه حوزه لریندن تنقید ائتدی.

ندن خامنه‌ای حوزه علمیه‌نین سکولارلاشماسیندان قورخور؟
6 سپتامبر 2018 - 18:55
کد خبر: ۴۶۴۶۴
تحریریه آرازنیوز

گونلر بوندان اؤنجه حسن رحیم پور ازغدی فیضیه مدرسه سینده دانیشیب علمیه حوزه لریندن تنقید ائتدی.

حسن رحیم‌ پور ازغدی ایران رژیمی‌نین رهبری، خامنه‌ای‌نین یانداشی اولاراق هر زمان ولایت فقیه‌ین داها دا گوجلنمه سینه چالیشیبدیر. رحیم پور ازغدی علمیه حوزه لرین و بعضی مللالار و مجتهدلری سکولاریسم دوشونجه‌سی‌نین قایناغی آدلاندیراراق یوزلرجه حکومت و ایران اسلام جمهوریتی‌نین ایشلرینه قاتیلمایان مجتهد و موللادان تنقید ائدیب اونلاری دینی سیاستدن آیری توتماقلاری اوچون سوچلادی.

رحیم پورازغذی هابئله حوزه‌یی-علمیه‌نی سکولاریسمی یایغینلاشدیران یئر آدلاندیردی. ندن خامنه‌ای و اونون یانداشلاری حوزه علمیه‌لرده‌کی دولت و رژیمین ایشلرینه قاریشمایان ملالاری آشاغیلاییرلار؟ خامنه‌ای گلجکده‌کی قارما قاریشیق دورومدا اؤز حکومتینی دین آدینا آیاقدا ساخلاماق‌می ایسته‌ییر؟

سیاست، اقتصاد، کولتور و مدنیت قونولاریندا هئچ بیر باجاری الده ائده‌بیلمه‌ین خامنه‌ای‌نین حکومتی دینچیلر طرفیندن‌ده دیشلانیلماقدان قورخور. او گلجک گونلرده بعضی دینچی و شیعه چی گنجلر و نظامی لرین حمایتینه احتیاجی دوشجه‌گینی بیلیر بو اوزدن اونلارین حمایتی ایله بیر قیسا سوره‌ده اؤز دیکتاتورلوغون سوردوره بیلیر دئیه دوشونور. آنجاق خامنه‌ای‌نین ان اؤنملی قورخوسو حوزه‌ده‌کی اولان بعضی مجهتدلرین اوندان اوز چئویرمگی‌دیر. حتی حکومتی و اؤزونه قارشی فتوالارین یاییلماسیندان دا قورخور. بئله آنلاشیلیر کی ولایت فقیه توتالیتر حکومتینه آلدانانلاردان باشقاسی خامنه‌ای و اونون دیکتاتورلوق حکومتی‌نین آیاقدا قالماسینا جانینی اورتایا قویماز.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر