تورکیه جومهورباشقانی رجب طیب اردوغان، تورکمنستانین میللی لیدری قوربانقولو بردی‌محمدوف ایله گؤروشونده، بو اؤلکه‌نین تورک دؤولتلری تشکیلاتینا تام عضو اولماسینی اومید ائتدیگینی سؤیله‌دی.
آراز نیوزون آنادولو آژانسینا دایاناراق یایدیغی خبره گؤره، گؤروش آنتالیادا کئچیریلن کوپ۳۱ ایقلیم زیروه‌سی چرچیوه‌سینده باش توتدو. ایکی طرف ایکی‌طرفلی مناسبتلری، بؤلگه‌ده و دونیادا باش وئرن حادثه‌لری مذاکره ائتدیلر.
اردوغان انرژی، تجارت، مدافعه صنایعی و سرمایه قویولوشو ساحه‌لرینده امکداشلیغین گوجلندیریلمه‌سینی وورغولادی.
او، تورک دؤولتلری تشکیلاتینین گوندن-گونه گوجلندیگینی و تورکمنستانین بو تشکیلاتا قوشولماسینین تورک دونیاسی اؤلکه‌لری آراسینداکی یاخینلاشمانی گئنیشلندیره بیله‌جگینی بیلدیردی.
