رومانیا هاوا گوج‌لری آچیقلاییب، قارا دنیز اوزرینده اؤلکه‌نین هاوا ساحه‌سینه گیرن ایکی ساواش درونو (پهپادی) اف-۱۶ ساواش اوچاقلاری طرفیندن هده‌فه آلیناراق وورولوب سالینیب.
آراز نیوزون رومانیا ساوونما باخانلیغی و رویترز‌دن نقل ائتدیگینه گؤره، پهپادلار «گران» عاییله‌سیندن اولوب و جت موتورلا تجهیز ائدیلیبلر؛ روسیانین اوکراینا ساواشیندا قوللاندیغی بیر مدل. آنجاق رومانی ساوونما باخانلیغی ایلک آچیقلاماسیندا بو ایکی پهپادین هارادان گلدیگینی رسمی اولاراق بیلدیرمه‌ییب.
بو حادثه، سون گون‌لرده رومانی و بولغاریستان ساحیل‌لرینه یاخین بیر نئچه تجاری گمی‌نین درون سالدیریسینا اوغرادیغی و اون‌لارلا دنیزچی‌نین اؤلدویو و یا ایتکین دوشدويو بیر زاماندا باش وئریب. ناتویا باغلی بیر عسگری قایناق، رومانی یاخینلیغیندا ایکی نفت تانکرینه سالدیری‌نین آرخاسیندا روسیانین اولدوغونو اؤنه سوروب.
