آمریکا خزینه باخانی اسکات بسنت آچیقلاییب، واشینقتون ایران جمهوریتینه قارشی اقتصادی باسقینی تهرانین عسگری گوجونو و وکیل قروپلارینی مالیه‌لشدیرن پول دامارلاری کَسیلنه قدر داوام ائتدیرمک نیتینده‌دیر.
بسنت دئییب: «ایران اقتصادینین بویونونا سالینان باسقی حلقه‌سی دارالیر و ایرانین سؤزده موتتفّیقلری بئله اونو قورتارا بیلمز.» او آرتیریب خزینه باخانلیغی، ایران جمهوریتینین مالی قایناقلاری بوشالانا و «ساواش ماشینینین سون پول داماری» کَسیلنه قدر بو سیاستدن گئری چکیلمه‌یه‌جک.
بو آچیقلامالار، ایرانین نفت گلیرلرینین داشینماسی ایله باغلی بانک‌لارا، صرافی‌لره و واسطه‌چی شبکه‌لره قارشی آمریکانین «اقتصادی طرد» عملییاتی چَرچیوه‌سینده یئنی تحریم‌لرین اویغولاندیغی بیر زاماندا وئریلیب.
