ایران جمهوریتینین قضایی قوووه‌سی، ۱۴۰۲-جی ایلین دی آییندا میناب–جاسک یولو پولیس مأمورونو ماشینلا ووروب اؤلدورمک ایتتیهامی ایله توتولان بیر شخصین مینابدا اعدام ائدیلدیگینی آچیقلاییب.
آراز نیوزون بیلدیردیگینه گؤره، میزان خبر آژانسی اعدام ائدیلن شخصی «جاسم حسینیانین قاتلی» کیمی تانیدیب، آنجاق اونون آدینی و کیملیگینی یاییملاماییب. قضایی قوروم حؤکمون عالی دیواندا یئنی‌دن باخیلدیقدان سونرا تأیید ائدیلدیگینی بیلدیریب. بونونلا برابر، محاکمه پروسه‌سی، متهمین وکیل‌دن یارارلانما امکانی و پرونده‌نین جزئیاتلاری حاققیندا بیر راپور یاییملانماییب.
وئریلن آمارلارا گؤره، بو اعدام ۲۰۲۶-جی ایلین باشیندان بویانا ایران جمهوریتینده قئیده آلینان ۶۲۱-جی اعدامدیر.
