ایران ماشین بازاری مهر آیی‌نین اورتالاریندا یئنی بیر قیمت آرتیمی دالغاسی ایله اوزلشیب. بعضی یئرلی و مونتاژ اوتوموبیل‌لرین قیمتی بیر نئچه گون ایچینده اون‌لارلا میلیوندان یوزلرله میلیون تومنه قدر آرتیب.
آراز نیوزون مهر خبر آژانسیندان نقل ائتدیگینه گؤره، قیمت‌لرین سورعتله آرتماسی و بازارداکی کَسکین دَییشیکلیک‌لر سبب اولوب بعضی تخصصی اوتوموبیل سایتلاری قیمت‌لری دوزنلی شکیلده یئنیله‌یه بیلمه‌سین.
بو دوروم، آلیجی و ساتیجی‌لار اوچون ماشینلارین گرچک قیمتینی بلیرله‌مه‌یی داها دا چتین‌لشدریب و بازاردا دنگه‌سیزلیگی (بی‌ثباتی) آرتیریب.
