تورکیه ساوونما باخانلیغی آچیقلاییب کی، ژنرال سلجوق بایراقدار اوغلو، تورکیه سیلاحلی گوجلری گنل قورمای باشقانی، بو گون «مکه ساوونما ایتتیفاقی»نا اویه اؤلکهلرین گنل قورمای باشقانلاری گؤروشونه قاتیلماق اوچون سعودی عربیستانا گئدهجک.
آراز نیوزون تورکیه ساوونما باخانلیغیندان نقل ائتدیگینه گؤره، بو گؤروش یوکسک سویهلی عسگری قوماندانلارین قاتیلماسی ایله کئچیریلهجک. یاییلان راپورلارا گؤره، تورکیه، سعودی عربیستان و پاکستانین گنل قورمای باشقانلاری بو ایتتیفاق چَرچیوهسینده ساوونما اویغونلاشدیریلماسی و سعودی عربیستانا دستک مؤوضوعولارینی گؤروشَجکلر.
بو گؤروش اوچ اؤلکه خاریجی ایشلر باخانلارینین نیویورکدا آپاردیغی دانیشیقلاردان سونرا کئچیریلیر و «مکه ساوونما ایتتیفاقی» چَرچیوهسینده آنکارا، ریاض و اسلامآباد آراسیندا عسگری اویغونلاشمانین یئنی بیر مرحلهسی کیمی دَیرلندیریلیر.
