تورکیه جومهورباشقانی رجب طیب اردوغان، اؤلکهنین ساوونما صنعتینده بؤیومهسینی داوام ائتدیرمهسی ایله یاخیندا بو ساحهده دونیانین اَن چوخ ایخراج ائدن ۱۰ اؤلکه آراسینا گیرهجگینی آچیقلاییب.
آراز نیوزون آنادولو خبر آژانسیندان نقل ائتدیگینه گؤره، اردوغان نیویورکدا کئچیریلن «تورکیه و آمریکا دوستلوغونون ۱۰۰ ایلی» برنامهسینده، آنکارا ایله واشینقتون آراسیندا ساوونما (مودافیعه) ایشبیرلیگینین، او جوملهدن بیرگه اورهتیمین گئنیشلندیریلمهسینین هر ایکی اؤلکهنین یارارینا اولاجاغینی دئییب.
اردوغان همچنین تورکیهنین ساوونما صنعتی شرکتلرینین سون ایللرده دونیا بازارینین دیققت چکن اویونچولارینا چئوریلدیگینی و آنکارانین آمریکا ایله ساوونما، انرژی و ایلری تکنولوژی باشدا اولماقلا استراتژیک ساحهلرده ایشبیرلیگی گئنیشلندیرمک ایستهدیگینی وورغولاییب.
