ایران-اسلامی یازی لوازیماتی مجمعینین باشقانی مهدی کلانتری، بازاردا قیمتلرین سرت آرتدیغینی بیلدیریب. اونون سؤزلرینه گؤره، کاغاذین قیمتی ۳۰۰ فاییزدن چوخ، فرقلی یازی لوازیماتینین قیمتی ایسه ۵۰ فاییزدن ۲۰۰ فاییزه قدر آرتیب.
آراز نیوزون دیدهبان ایراندان نقل ائتدیگینه گؤره، کلانتری یئنی محصوللارین یاپیم و ایتخالات خرجلری ایله کئچن ایلدن قالان ماللار آراسینداکی بؤیوک فرقین بازاردا آچیق قیمت فاصلهسی یاراتدیغینی دئییب.
او، داخلی اورهتیمین بازارداکی پایینی تقریباً ۶۰ فاییز اولاراق آچیقلاییب. دفتر، قلم و سیلگی کیمی محصوللارین بؤیوک بؤلومو اؤلکه ایچینده اورهتیلیر؛ آنجاق چانتا، قلمقابی و فانتزی ماللار بازاری هله ده بؤیوک اؤلچوده چین وارداتینا باغلیدیر.
تَحصیل ایلینین باشلاماسینا آز قالدیغی بیر دؤنمده یازی لوازیماتینین باهالاشماسی، عاییلهلرین گئچیم خرجلرینه یئنی بیر یوک آرتیریب.
