آمریکانین اؤزل تمسیلچیسی جرد کوشنر دئییب، کنست سئچکیلرینین یاخینلاشماسی بنیامین نتانیاهو حوکومتینین غزه ایله باغلی بعضی قرارلاردا «بیر آز منطیقسیز» داورانماسینا سبب اولوب.
کوشنر کییفدهکی مطبوعات توپلانتسیندا واشینگتون ایله اسرائیلین غزهنین سون وضعیتینه دایر بؤیوک اؤلچوده راضی اولدوغونو، آنجاق اسرائیلدهکی سئچکی دورومونون قرار وئرمه سورهجینی قاریشدیردیغینی دئییب.
آمریکا، صلح شوراسی حماس و غزهدهکی باشقا سیلاحلی گروهلارین سیلاحسیزلاندیریلماسی پلانینی اسرائیل گوجلرینین گئری چکیلمهسی ایله عینی زاماندا ایرهلی آپارماغا چالیشیر. آنجاق اسرائیلدهکی داخلی مخالفتلر بو سورهجی دایاندیریب و ۵ آباندا کئچیریلهجک کنست سئچکیلریندن اؤنجه تعیینائدیجی بیر ایرهلیلهیشین اولماسی ضعیف احتیمال ساییلیر.
