ایرانین دؤولت سؤزچوسو فاطمه مهاجرانی آچیقلاییب کی، بنزینین جایگاه کارتی ایله ساتیش قیمتی، سهشنبه ۱۷ شهریور سحریندن اعتیبارا ۵ مین تومندن ۱۰ مین تومنه آرتاجاق.
مهاجرانی دئییب ۶۰ لیترلیک ۱۵۰۰ تومنلیک و ۵۰ لیترلیک ۳۰۰۰ تومنلیک بنزین سهمیهلری فعلاً دَییشمهدن قالاجاق. قیمت آرتیمی یالنیز اوچونجو قیمت، یعنی جایگاه کارتی ایله وئریلن بنزینی قاپساییر.
دؤولت سؤزچوسو بو قیمت آرتیشیندان الده ائدیلن گلیری خالقین گئچیمینه خرج ائدهجکلرینی ایددیعا ائدیب. یوکسک تورم و آلیم گوجونون سرت دوشدوگو بیر دورومدا بو قرار، گئدیب-گلمه خرجلرینی و مال و خدمات قیمتلرینی داها دا آرتیرا بیلر.
