سوئدده کئچیریلهجک عمومی سئچکیلرده اؤلکه وطنداشلاری پارلمانین ۳۴۹ میلت وکیلینی سئچهجکلر. عئینی حالدا، سئچیجیلر اؤلکهنین ۲۱ بؤلگه شوراسی و ۲۹۰ بلدیه شوراسینین ترکیبینی موعینلشدیرهجکلر.
آراز نیوزین آذرتاجا استناداً وئردیگی خبره گؤره، قارشیداکی سئچکیلرده سوئدین موختلف سیاسی پارتیالاری طرفیندن کاندیدالیغی ایرلی سورولموش گونئیلی و قوزئیلی آذربایجانلی کاندیدالار دا ایشتراک ائدهجکلر.
اولارین آراسیندا ان تانینمیش سیمالاردان بیری ایسویچ سوسیال-دموکرات ایشچی پارتیاسینی (Socialdemokraterna) تمثیل ائدن پارلمان نمایندهسی آیلین نوریدیر. او، ۲۰۱۸-جی ایلدن پارلمانین عوضوودور و ۲۰۲۵-جی ایلدن ایسه پارتیاین نقلیات سیاستی اؤزره رسمی تمثیلچیسیدیر.
مرکز پارتیاسینی (Centerpartiet) سئچکیلرده آذربایجانلی بیر نئچه کاندیدا تمثیل ائدیر. عائیده کریملی اونلاردان بیریدیر. حاضیردا او، بؤلگه شوراسینین تمثیلچیسیدیر و عئینی حالدا، چئوره و بؤلگه اینکشافی کمیتهسینین صدرینین ایکینجی معاوینیدیر.
مرکز پارتیاسینین دیگر نمایندهسی توران علیاف ایسه آرتیق ایکینجی دورهدیر پارتی بلدیه شوراسینین، ائلهجه ده تیکینتی و چئوره کمیتهسینین، مدنیت و استراحت واختی کمیتهسینین، ائلهجه ده سئچکی کمیتهسینین عوضودور.
یاشیللار پارتیاسیندان (Miljöpartiet) ایسه آیتاج قولوئوا، ووسال قولوئو و اسمیرا کاظیمووا هانینقه بلدیه شوراسینا کاندیدا اولوبلار.
سئچکیلرده سؤئد سوسیال-دموکرات
ایشچی پارتیاسیندان هوددینقه بؤلگهسی بلدیه شوراسینا کاندیدالیغی ایرلی سورولموش اورخان علیاف ده ایشتراک ائدیر.
