دونالد ترامپین بیر سیرا جومهوریتچی مالی دستکچی ایله اؤزل گؤروشونده سؤیلهدیکلری، اونون ۲۰۲۸ جومهورباشقانی سئچکیلرینده پارتینین آدایی اولاراق جیدی وَنسی دستکلهمک ایستهدیگینی گؤستریر.
آراز نیوزون خبرینه گؤره، فاکس نیوزون بیلدیردیگینه ایستیناداً ترامپ تخمینا ایکی هفته اؤنجه آغ ائوده کئچیریلن اؤزل بیر گؤروشده دئییب: «سونوندا جیدینی سئچمهلییک.» معلوماتلی قایناقلار وورغولاییبلار کی، بو سؤزلر هله ترامپین رسمی و قطعی دستگی معناسینا گلمیر.
جیدی وَنس حاضیردا جومهوریتچیلرین ۲۰۲۸ اوچون اساس نامیزدلریندن ساییلیر؛ بونون قارشیلیغیندا، آمریکا دیش ایشلر باخانی مارکو روبیو دا سون آیلاردا سورغولاردا اؤز موقعینی گوجلندیریب.
