آمریکانین جومهوریتچی نمایهندهلریندن بیری ائلان ائتدی کی، کنگره جومهوری اسلامی ایله ساواش بارهده وئریلن معلوماتین حجمیندن راضی دئییل.
سیبیاس کانالینین خبرینه گؤره، آمریکا نمایهندهلر مجلیسینین سیلاحلی قوهلر کومیتهسی اویهسی مایکل ترنر، کنگرهنین آیلاردیر ترامپ حؤکومتیندن جومهوری اسلامییله باغلی حربی استراتژی، اوکراین ساواشی و آمریکانین ساوونما سیاستی بارهده داها چوخ شفافلیق طلب ائتدیگینی سؤیلهدی.
ترنر، جومهوری اسلامی اوزرینده باسقینین داوام ائتدیریلمهسینی دستکلهیهرک وورغولادی کی، قانونوئریجیلر حؤکومتین قرارلارینا نظارت ائتمک اوچون آغ ائودن و ساوونما باخانلیغیندان داها دقیق و داها مونتظم حسابلارا احتیاج دویورلار.
