بو ارک «اورمیه ارکی» ایله تقریبا بیر زاماندا و بیر طرزده دوزلیب. البته اورمیه ارکی بوندان داها بؤیوک و مجلل ایمیش. اورمیه ارکی داها چوخ شیرازداکی «کریم خان ارکی» کیمی ایمیش.
ایندی شیرازداکی کریم خان ارکی و بیرجند ارکی سالیم بیر شکلیده قالیرلار و محافظت اولورلار.
اما اورمیه ارکیندن هئچ بیر اثر یوخدور. پهلوی زامانی ییخیلدی و یئرینه خسته خانا، مدرسه و شهربانی تیکیلدی. سون قالینتیلاری ایسه ۵۷ انقلابی سونراسیندا ییخیلدی و یئرینه زینبیه (تالار مهدیه) تیکیلدی.
اورمیه ارکی «عمارت چهار برج رضاقلیخانی» ده آدلانیردی و اورمو افشار بیگلربیگی رضاقولو خان قاسیملی طرفیندن دوزلمیشدی. بو عمارت بیر نئچه قرن افشار خانلاری و بیگلربیگلرینین حکومت مرکزی اولوبدور. بو عمارت بیرینجی دونیا ساواشینا قدر موروثی شکیلده افشار بیگلربیگی عایلهسینین تملکوندا اولوب.
گرچکدن آزربایجاندا تاریخی اثرلرین ییخیلیب یوخ اولماسی نه قدر تصادفی و قصدسیز اولابیلر؟!
#استعمار
#نسل_کشی_فرهنگی
