بوتؤو آذربایجان اوجاقلاریندان (BAO) گونئی آزربایجاندا اعتراض چاغیریشلارینا دستک
ایراندا سون گونلرده اقتصادی بحران، ریالین سرعتله دگر ایتیرمهسی و سوسیال وضعیتین آغیرلاشماسی فونوندا باشلایان اعتراضلار گئتدیکجه داها گئنیش مقیاس آلاراق کوتلهوی خلق عوصیانلارینا چئوریلیر. بیر سیرا شهرلرده بازار و دوکان صاحبلرینین ایش یئرلرینی باغلاماسی ایله باشلایان ناراضیلیقلار پلیس و آساییش قوتلری ایله توققوشمالارلا مشایعت اولونور. یاییلان معلوماتلارا گؤره، اونلارلا دینج ساکن هلاک اولوب، یوزلرله انسان یارالانیب و ساخلانیب.
حادثهلر فونوندا بینالخلق سیاسی رئاکسییالار دا دقت چکیر. آبش پرزیدنتی دونالد ترامپ دینج اعتراضچیلارا قارشی اودلو سلاحدان استفاده ائدیلهجگی تقدیرده مداخله ائدیله بیلهجگینی بیان ائدیب. پارالل اولاراق، کئچمیش شاهین اوغلو رضا پهلوینین بعضی خارجی مئدیا اورقانلاریندا یئنیدن گوندمه گتیریلمهسی و خارجده کوچه عصیانلارینا چاغیریشلار ائتمهسی ده پروسهلرین سیاسی فونونو داها دا مورکبلشدیریر.
بو اعتراض دالغاسی ایلکین مرحلهده آکسییالارا قوشولمایان آذربایجان شهرلرینه ده یاییلماغا باشلاییب. بئلهلیکله، آیری-آیری بؤلگهلردهکی لوکال اعتراضلار تدریجاً مختلیف خالقلرین یاشادیغی گئنیش جوغرافیانی احاطه ائدن عمومیخالق عصیانی کاراکتری آلیر. بو کانتکستده گونی آذربایجان تشکیلاتلاری امکداشلیق شوراسینین شنبه ۲۰ دی اوچون خالق اعتراضلارینی دستکلهین و کوچه آکسییالارینا چاغیران بیاناتی یاییملانیب.
بوتؤو آذربایجان اوجاقلاری (BAO) یاییملادیغی مراجعتده سؤزوگئدن چاغیریشی دستکلهدیگینی بیان ائدهرک، گونئیلی سویداشلاری ایراندا گئتدیکجه گئنیشلنن اعتراض و عصیان دالغاسیندان کناردا قالماماغا، آکسییالاردا فعال اشتراک ائتمگه، سوسیال-اقتصادی و ملی-مدنی حقوقلارینی مودافیه ائتمگه سسلهییب. عینی زماندا، BAO آذربایجان و تورکیه جمهوریتلرینی، ائلهجه ده تورک دولتلری تشکیلاتینی ایرانداکی حادثهلره بیگانه قالماماغا و اورادا یاشایان، خصوصاً ده آذربایجان تورکلرینین حاق سسینه دستک وئرمگه چاغیریب.
بوتؤو آذربایجان اوجاقلارینین مراجعتی ۰۸ ژانویه ۲۰۲۶-جی ایل تاریخینده باکیدا قبول ائدیلیب.
