Azərbaycan Respublikasının xarici işlər naziri Ceyhun Bayramov noyabrın 18-də, çərşənbə günü türkiyəli həmkarı Hakan Fidanla telefonla danışıb. Bu barədə Azərbaycan Xarici İşlər Nazirliyi məlumat yayıb.
Nazirliyin məlumatına görə, iki nazir Azərbaycan və Türkiyə arasındakı münasibətlərin cari gündəliyini nəzərdən keçiriblər. İki ölkə öz münasibətlərini «müttəfiqlik» adlandırır. Müxtəlif sahələrdə ikitərəfli əməkdaşlığın genişləndirilməsi perspektivləri də söhbətin əsas mövzularından olub.
Telefon danışığında regional və beynəlxalq təhlükəsizlik məsələlərinə də toxunulub. Bayramov və Fidan həmçinin hər iki tərəfi maraqlandıran digər mövzular ətrafında fikir mübadiləsi aparıblar.