cümə axşamı, 19 noyabr 2026
İnsan Haqları

15 noyabr – Dünya Həbsdəki Yazıçılar Günü: Yuruş Mehrəlibəyli, Təbriz həbsxanasında saxlanılan yazıçı

15 noyabr – Dünya Həbsdəki Yazıçılar Günü: Yuruş Mehrəlibəyli, Təbriz həbsxanasında saxlanılan yazıçı

15 noyabr – Dünya Həbsdəki Yazıçılar Günü ilə əlaqədar diqqət yenidən fikri və mədəni fəaliyyətlərinə, eləcə də öz baxışlarını ifadə etdiklərinə görə azadlıqdan məhrum edilən yazıçı və mütəfəkkirlərin vəziyyətinə yönəlib. Cənubi Azərbaycanın yazıçısı, tədqiqatçısı, siyasi və mədəni fəalı Yuruş Mehrəlibəyli də Təbriz həbsxanasında saxlanılan belə simalardan biridir.

Yuruş Mehrəlibəyli «Qar çiçəkləri» və «Qurbağa qalası» adlı iki kitabında həbs, istintaq, təkadamlıq kamera və həbsxana həyatı ilə bağlı yaşadıqlarını əzab, müqavimət və ümiddən bəhs edən hekayələrə çevirib. Onun əsərləri təhlükəsizlik orqanlarının təzyiqlərinə baxmayaraq fikri və mədəni fəaliyyətini davam etdirən bir yazıçının yaşadıqlarını əks etdirir.

Mehrəlibəyli, həmçinin milli kimlik, ictimai məsələlər və Azərbaycandakı siyasi proseslər barədə çoxsaylı məqalələrin müəllifidir. O, əvvəllər «Qopuz» mədəniyyət jurnalının direktoru və baş redaktoru olub.

Onun türk ədəbiyyatı və mədəniyyəti sahəsindəki fəaliyyəti Azərbaycan ziyalılarının ana dilini və milli kimliyi qorumaq və inkişaf etdirmək səylərinin bir hissəsi sayılır.

Dünya Həbsdəki Yazıçılar Günü Yuruş Mehrəlibəylinin əsərlərini və fəaliyyətini xatırlatmaq, eləcə də onun və digər Azərbaycan yazıçılarının, mədəniyyət fəallarının və siyasi məhbuslarının azad edilməsinin vacibliyini bir daha vurğulamaq üçün bir fürsətdir.

Bu xəbəri paylaşın