Heyətinin əksəriyyəti Azərbaycan Respublikasının vətəndaşları olan gəmi noyabrın 15-i, bazar günü erkən saatlarda Qara dənizdə dron hücumuna məruz qalıb. Hücum gecə saat 2 radələrində Rumıniyanın Sulina limanı yaxınlığında baş verib.
Sulina Dunay çayının deltasında, Ukrayna sərhədinin yaxınlığında yerləşir və Qara dənizin qərbində əsas gəmiçilik keçidlərindən biri sayılır. Gəminin 14 nəfərlik heyətindən 13-ü Azərbaycan Respublikasının, biri isə Türkiyənin vətəndaşıdır.
Gəmidə olanların hamısı hücumdan salamat çıxıb, ölən və ya yaralanan olmayıb.
