İsrailin baş naziri Benyamin Netanyahu İslam Respublikasının yenidən nüvə proqramını bərpa etməyə çalışdığı barədə xəbərdarlıq edib və bildirib ki, İsrail Tehranın nüvə təhdidinin geri qayıtmasının qarşısını almalıdır.
İsrail mediasının məlumatına görə, Netanyahu video müraciətində bəyan edib: «İsrailin məhvinə can atan İran rejimi nüvə proqramını bərpa etmək üçün yenidən işə başlayıb».
O, İslam Respublikasını öz vətəndaşlarını repressiyaya məruz qoymaqda və qətlə yetirməkdə ittiham edərək iddia edib ki, Tehran hakimiyyəti nüvə silahı əldə edəcəyi təqdirdə onu İsrailə qarşı tətbiq etməkdən çəkinməyəcək.
Netanyahu həmçinin İsraildə milli birlik hökumətinin qurulmasına çağırıb və vurğulayıb ki, İslam Respublikasının təhdidlərinə qarşı mübarizə ölkənin siyasi qüvvələri arasında geniş əməkdaşlıq tələb edir.
