Süni intellektli yerli mikropeyk: Türkiyə «Gezgin-1»i 2028-ci ildə kosmosa göndərəcək

«Gezgin-1» yüksək ayırdetmə qabiliyyətli multispektral görüntüləmə və süni intellekt vasitəsilə təsvirlərin emalı imkanlarına malik olacaq. Peykə Gəmilərin Avtomatik İdentifikasiya Sisteminin (AIS) məlumatları da inteqrasiya ediləcək. Dəqiq kənd təsərrüfatı, bitkilərin sağlamlığının monitorinqi, xəritəçəkmə, ətraf mühitin monitorinqi və gəmi hərəkətinin izlənməsi onun tətbiq sahələri sırasındadır.