ABŞ Prezidenti Donald Tramp oktyabrın 9-da, cümə günü bildirib ki, Vladimir Putinlə telefon danışığında razılığa gəliblər. Razılaşmaya görə, Rusiya ABŞ və dünya bazarlarına dərhal 300 min tondan çox dizel yanacağı tədarük edəcək. SEPAH-a yaxın media orqanlarına aid edilən mesajda bu razılaşma Moskvanın öz müttəfiqi olan İran rejiminə «açıq xəyanəti» kimi dəyərləndirilib.
Tramp həmçinin noyabr ayında daha 500 min tonun, ondan dərhal sonra isə 1 milyon tonun tədarük ediləcəyini açıqlayıb.
SEPAH-a yaxın media orqanlarına aid edilən mesajda «neft qiymətlərinin kəskin düşməsi» qeyd olunaraq deyilir: «Rusiyanın ayı dostluğu və həssas məqamda öz müttəfiqinə açıq xəyanəti. Biz bunun dəfələrlə şahidi olmuşuq.»
İslam Respublikasının tərəfdarları Rusiyanın dəstəyinə arxalandığı halda, Moskva yanacaq tədarükü ilə bağlı ABŞ ilə sövdələşməyə gedib. Bu addımın Tramp administrasiyasına enerji bahalığının yaratdığı təzyiqi azaltmaqda kömək edəcəyi gözlənilir.
